जेन–जीको आन्दोलनका क्रममा प्रहरी कार्यालयमा आक्रमण हुँदा झापामा ९२ जना थुनुवा भागेका छन्। आन्दाेलनका क्रममा इलाका प्रहरी कार्यालय दमक, अनारमनी र झिलझिलेमा आगजनी र तोडफोड हुँदा ९२ जना थुनुवा भागेको जिल्ला प्रहरी कार्यालय झापाले जनाएको छ।
दमकबाट ५१ जना, अनारमनिबाट ३६ जना र झिलझिलेबाट पाँचजना गरी ९२ जना थुनुवा भागेको जिल्ला प्रहरी कार्यालय झापाका प्रवक्ता प्रहरी नायब उपरीक्षक खगेन्द्र खड्काले जानकारी दिए।
उनीहरू गम्भीर, जघन्य प्रकृतिका र अन्य अपराधमा संलग्न भई अनुसन्धानमा रहेको उनले बताए । आन्दोलनपछि प्रहरी कार्यालय क्षतविक्षत हुँदा अहिले पनि इलाका प्रहरी कार्यालय दमक र अनारमनीमा प्रहरी फर्कन सकेको छैन ।
See More On
