अहिले नगरे कहिले गर्ने, हाम्ले नगरे कस्ले गर्ने’ भन्ने नारा सहित ‘जेन जी’ का युवा पुस्ताले भ्रष्टाचार र सामाजिक सञ्जाल प्रतिबन्धका विरुद्ध पोखरामा सोमबार गरेको प्रर्दशन चर्किएको छ ।
पोरखेली युवाहरु नाम दिएर ‘जेन जी’ का युवा पुस्ताले पोखराको मुख्य बजार मध्येको एक न्युरोडस्थित सभागृह चोकबाट सुरु गरेको प्रर्दशन पोखराको रत्नचोकमा पुगेपछि नियन्त्रण बाहिर गएको हो ।
सभागृह चोकबाट सुरु भएको प्रर्दशन चिप्लेढुङा, सृजनाचोक, रत्नचोक हुदै राष्ट्रबैक चोक पुगेको थियो । त्यसपछि पुनः रत्नचोक आएको प्रर्दशन मुख्यमन्त्री कार्यालय जाने बाटोमा प्रवेश गर्न खोजेपछि प्रहरी र प्रर्दशनकारी बिच भिडन्त भएको थियो ।
सोही क्रममा मुख्यमन्त्री कार्यालय अघि प्रहरीले गोली चलाउँदा एक जना घाईते भएका छन् । गोली लागि घाईते हुनेमा २८ वर्षका दिवस गुरुङ रहेका छन् । यस बारेमा प्रहरीले भने औपचारीक जानकारी दिएको छै्रन् । गोली लागेर घाईते भएका उनी सगै ५/६ जना र तीन जना प्रहरी घाईते भएका छन् ।
