नेकपा एमालेका प्रमुख सचेतक महेश बर्तौलाले गत असारमा गएको बाढीपहिरोले केरुङ नाका अवरुद्ध हुँदा नेपाल आउने सबै कन्टेनर रोकिएको भन्दै सरकारको ध्यानाकर्षण गराएका छन् ।
मंगलबारको प्रतिनिधिसभा बैठकमा बोल्दै प्रमुख सचेतक बर्तौलाले रसुवागढी–केरुङ नाका अवरुद्ध भएका कारण तातोपानी नाकामा चाप परेको बताए। तातोपानी नाकाबाट प्रत्येक दिन आठ–दशवटा कन्टेनर नेपालतर्फ आउने–जाने अवस्था रहेको उनको भनाइ थियो ।
प्रमुख सचेतक बर्तौलाले भने, ‘चाडपर्व आइरहेको सन्दर्भमा चाइनाबाट नेपालतर्फ ल्याउनुपर्ने समानहरू पनि थोरै मात्रमा भित्रिरहेको अवस्था छ । नेपाल सरकारले चीनसँग आवश्यक रूपमा समन्वय गरेर ३०–३५ कन्टेनर बनाउँदा सहज हुन्छ । त्यसतर्फ सरकारको ध्यानाकर्षण गराउँछु ।’
See More On
