भारतकाे उत्तराखण्डको केदारनाथ मार्गमा आज बिहान हेलिकाेप्टर दुर्घटनाग्रस्त भएको छ। हेलिकाेप्टर दुर्घटनामा परेर सातजनाको मृत्यु भएको छ। दुर्घटनाग्रस्त हेलिकाेप्टर आर्यन कम्पनीको हो।
यो दुर्घटना गौरीकुण्ड क्षेत्रमा भएको हो। दुर्घटना बिहान ५:३० बजे भएको बताइएको छ। हेलिकाेप्टर दुर्घटनाको कारण खराब मौसम रहेको बताइएको छ।
दुर्घटनामा परेर एक दम्पती र उनीहरूको २३ महिनाको बच्चाको पनि मृत्यु भएको भारतीय सञ्चारमाध्यमले जनाएका छन् । हेलिकोप्टरमा पाइलटसहित सातजना सवार थिए । हेलिकोप्टरमा सवार सबै यात्रुको मृत्यु भएको छ । यो हेलिकोप्टर केदारनाथ धामबाट यात्रुहरू लिएर गुप्तकाशी फर्किरहेको थियो।
See More On
