सन् १९४० : मुस्लिम लिगको लाहोरमा बसेको बैठकले तत्कालीन ब्रिटिस भारतभित्र मुस्लिमबहुल क्षेत्रलाई समेटेर अलग मुस्लिम देश बनाउनुपर्ने माग गर्ने चर्चित ‘लाहोर प्रस्ताव’ अनुमोदन गर्यो ।
सन् १८३९ : अंग्रेजी भाषामा हाल निकै लोकप्रिय हुने ‘ओके (ओल करेक्ट)’ पदावलीको पहिलो रेकर्डेड प्रयोग आजको दिन बोस्टन मर्निङ पोस्टमा छापिएको थियो ।
सन् १९१९ : रुसी कम्युनिस्ट पार्टीले पाँच सदस्यीय पोलिटब्युरो पुनः ब्युँतायो । प्रारम्भिक पाँच सदस्य भ्लादिमिर लेनिन, लियोन ट्राटस्की, जोसेफ स्टालिन, लेभ कामेनेभ र निकालाई क्रेस्टिन्स्की थिए ।
सन् १९१९ : बेनितो मुसोलिनीले इटलीको मिलानमा घोर दक्षिणपन्थी फासीवादी आन्दोलन सुरु गरे ।
सन् १९३१ : भारतीय स्वतन्त्रता सेनानी भगत सिंह उनका साथीहरू सिसराम राजगुरु र सुकदेव थापरसँगै झुड्याइए ।
सन् १९३३ : जर्मन संसद् रेइचस्ट्यागले देशका चान्सलर एडोल्फ हिटलरलाई सम्पूर्ण अधिकार (अधिनायकवादी अधिकारसमेत) प्रदान गर्यो ।
सन् १९८० : निकारागुआद्वारा राष्ट्रिय साक्षरता युद्ध (अभियान) घोषणा । अभियानकै कारण पाँच महिनाभित्र देशको निरक्षर जनसंख्याको दर ५० प्रतिशतबाट १२ प्रतिशतमा झर्यो ।
