बर्दियामा एउटा बाघ मृत फेला परेको छ । गुलरिया- १२ मा रहेको भवानी सामुदायिक वनमा भाले बाघ मृत फेला परेको हाे । मृत बाघ करिब तीन वर्षको भएको राष्ट्रिय प्रकृति संरक्षण कोषका प्रमुख अजित तुम्बाहाम्फेले बताए । उनले भने, ‘कुहिएको अवस्थामा बाघ फेला परेकाे छ । मृतक बाघको शरीर कुहिएको हुँदा पोस्टमार्टम गर्नसमेत कठिन छ ।’
डिभिजन वन कार्यालय बर्दियाका सूचना अधिकारी रामकुमार चौधरीले बाघ करिब १०–१५ दिनअगाडि मरेको हुन सक्ने बताए । उनले भने, ‘बाघ खान नपाएर मरेको हो ।’
See More On
