दक्षिण कोरियामा माछा मार्ने डुंगा पल्टिँदा तीनजना बेपत्ता

दक्षिण कोरियाको दक्षिणी रिसोर्ट टापु जेजुमा शनिबार दुईवटा डुंगा डुब्दा तीनजना बेपत्ता भएका छन्। योनहाप समाचार एजेन्सीका अनुसार हालसम्म चालक दलका १२ सदस्यलाई उद्धार गरिएको छ।

स्थानीय समयअनुसार बिहान ९:२५ बजे चालक दलका सदस्यसहितको ३२ टन तथा २९ टन वजनको डुंगा टापु जेजुमा डुबेको हो।

उद्धार गरिएकामध्ये एकलाई हृदयघात भएको अवस्थामा अस्पताल लगिएको र प्राथमिक उपचार गरिएको थियो। बाँकी तीनजना चालक दलका सदस्यहरूको खोजी तथा उद्धार कार्य जारी रहेको छ।