दक्षिण कोरियाली अभियोजकहरूले महाभियोग लगाइएका राष्ट्रपति युन सुक योलमाथि ‘विद्रोहको मुख्य नाइके’का रूपमा अभियोजन गर्दै निलम्बित नेतालाई हिरासतमा रहन आदेश दिएका छन् ।
युनले डिसेम्बर ३ मा नागरिक शासन निलम्बन गर्ने आफ्नो प्रयासले देशलाई राजनीतिक अराजकतामा डुबाए । उनले लागू गरेको सैन्य शासन केबल ६ घण्टासम्म मात्र रह्यो र संसद् सदस्यहरूले सशस्त्र सैनिकहरूको विरोधमा मतदान गरी यसलाई खारेज गरे ।
त्यसलगत्तै उनलाई महाभियोग लगाइएको थियो र यो महिना गिरफ्तार हुने पहिलो दक्षिण कोरियाली राष्ट्र प्रमुख बने । अभियोजनकर्ताहरूले एक बयानमा सुरक्षाकर्मीहरूले ‘युन सुक योललाई विद्रोहको प्रमुख भएको आरोपमा आज हिरासतमा राखेको’ बताएका छन् ।
गिरफ्तारीदेखि नै उनलाई सियोल हिरासत केन्द्रमा राखिएको छ । औपचारिक अभियोजनले उनलाई अदालती कारबाहीसम्म हिरासतमा राख्नेछ र यो ६ महिनाभित्र हुनुपर्छ । अदालतले दुईपटक अभियोजकहरूले उनीहरूको अनुसन्धान अगाडि बढ्दै गर्दा उनको गिरफ्तारी वारेन्ट विस्तार गर्ने अनुरोधलाई अस्वीकार गरेपछि अभियोग व्यापक रूपमा अपेक्षित थियो ।
