पोखरामा जारी जे–३० वर्ल्ड टेनिस टुर सर्किट २ अन्तर्गत नेपालका प्रणव मानन्धरले राउन्ड १६ मा आफ्नो स्थान सुरक्षित गरेका छन्।
कास्की जिल्ला टेनिस संघको आयोजनामा जारी प्रतियोगिताको ब्वाइज सिंगल्समा मानन्धरले भारतका आर्यन कंकरवाललाई ६–२, ६–२ ले पराजित गर्दै राउन्ड १६ मा स्थान सुरक्षित गरेका हुन्। नेपालका स्पन्दन उदासले भने भारतका आरुष भल्लासँग ६–१, ६–० को सेटमा पराजित भए।
डबल्समा मानन्धर र राजवीर प्रधानको जोडीले भारतका अद्वित तिवारी र वीर मडमलाई ४–६, ६–४, (१०–८) ले पराजित गरेका थिए। ब्वाइज सिंगल्समा प्रकाश सरनले बिबान बिडासरियालाई ७–६(२), ४–६, ६–२ ले, प्रतीक नवीन (अस्ट्रेलिया) ले चन्नमल्लिकार्जुन याले (भारत) लाई ७–५, ५–७, ६–२ ले, गर्ल्सतर्फ मानसी सिंह (भारत) ले युयुए लिउ (चीन) लाई ६–२, ६–४ ले, सुनिरा थापा (नेपाल) ले रानिया ठाकुर (भारत) लाई ६–३, ६–० ले पराजित गर्दा वृन्दिका भगवत राजपूत (भारत) ले मायरा टोपनो (भारत) लाई ६–०, ६–२ ले हराइन्।
यस्तै, ब्वाइज डबल्समा भारतका आदित्य मोर र अधिराज ठाकुर, भारतका आर्यन कंकरवाल र रौनक कश्यप, भारतका शौर्य समाला र प्रकाश सरन, भारतका शौनक चटर्जी र शिवतेज सिर्फु विजयी भए।
गर्ल्स डबल्समा भारतका श्रीय देश पाण्डे र मायरा टोपनो, मार्टा छोङसोमजाभ (मंगोलिया) र यिजिया झाओ (चीन), स्वस्तिका बिस्ट (नेपाल) र अपरा खन्दारे (भारत), नेपालका शिवाली गुरुङ र सुनिरा थापा, भारतका महिका खन्ना र सतक्सिका सहायक, भारतका मानसी सिंह र न्यान्सी सिंह, दिशा बोहरा र अर्जान खोरेकिवालको जोडी विजयी भएका थिए।
