बिमस्टेक बिजनेस समिटमा भाग लिन २२ साउनमा भारत गएका उद्योग, वाणिज्य तथा आपूर्तिमन्त्री दामोदर भण्डारीले त्यहाँका उद्योग तथा वाणिज्यमन्त्री पीयूष गोयल र पेट्रोलियम तथा प्राकृतिक ग्यासमन्त्री हरदीपसिंह पुरीसँग भेटेर द्विदेशीय व्यापार सहजीकरणका लागि पहल गरेर फर्किएका छन् ।
मन्त्री भण्डारीले दुवैजनालाई भेटेर दुई देशका विभिन्न संयन्त्रलाई क्रियाशील बनाउनुपर्ने, अन्तरसरकारी समितिको बैठक चाँडै आयोजना गर्नुपर्ने, नेपाली निर्यातकर्ताले भोगेको कठिनाइलाई सहजीकरण गर्नेलगायतका विषयमा छलफल गरेका छन् ।
पेट्रोलियममन्त्री पुरीलाई गरिएको प्रस्ताव
- अनुदानमा नयाँ पाइपलाइन विस्तार र भण्डारण बनाउने
- पेट्रोलियममा इथानोल मिसाउने
- अमलेखगन्जको दोस्रो चरणको पाइपलाइन छिटो सक्ने
- सिनामंगलको हवाई इन्धन डिपो सार्न सहयोग जुटाउने
वाणिज्यमन्त्री गोयलसँग भएको छलफल
- दुई देशका विभिन्न संयन्त्रलाई क्रियाशील बनाउने
- अन्तरसरकारी समितिको बैठक चाँडै राख्ने
- नेपाली निर्यातकर्ताको कठिनाइलाई सहजीकरण गर्ने
- सिमानाको मूल्यमा कोटाको खाद्यान्न उपलब्ध गराउने