जापानी वैज्ञानिकले मानव कोषहरूको प्रयोग गरेर जीवित छालाजस्तै देखिने आवरणसहितको रोबोटको विकास गरेका छन्।
सेल रिपोर्टस् फिजिकल साइन्स जर्नलमा प्रकाशित विवरणमा जापानी वैज्ञानिकले भनेका छन्, ‘उनीहरूले जीवित छालाकोजस्तो आवरणसहितको रोबोट बनाउन छाला बनाउने कोषले भरिएको जेल प्रयोग गरेका थिए।’
बायोहाइब्रिड रोबोट विशेषज्ञले यो प्रविधिले एक दिन एन्ड्रोइडको आविष्कारमा मानवजस्तो उपस्थिति र क्षमताको साथ भूमिका खेल्ने आशा गरेका छन्।
‘हामीलाई आशा छ, जीवित प्रणाली र संयन्त्रहरूको वैज्ञानिक अध्ययन (फिजियोलोजी)ले मुजाको बनावट र अनुहारको हाउभाउबारे जानकारी दिन मद्दत गर्नेछ,’ प्राध्यापक सोजी टेकुचीको नेतृत्वको टोलीले भनेको छ।
प्रायः सिलिकन रबरबाट बनेको वास्तविकजस्तो देखिने छालाले ढाकेको नयाँ सामग्रीले परम्परागत ‘ह्युमनोइड रोबोट’भन्दा एक कदमअगाडिको विकासको संकेत दिन सक्छ। तर, यसले पसिना निकाल्न वा आफैँलाई निको पार्न सक्दैन।
वैज्ञानिकहरूको लक्ष्य ‘जैविक छालामा निहित आत्म–उपचार क्षमतासहितको रोबोटको निर्माण गर्नु हो’ तर उनीहरू अझै त्यहाँ पुगिसकेका छैनन्।
यसअघिका अध्ययनहरूमा उनीहरूले प्रयोगशालामा हुर्केको छालाको कटमा कोलेजनलाई रोबोटिक औँलाले ढाकेर यसलाई कसरी मर्मत गर्न सकिन्छ भनेर अध्ययन गरी यसको नतिजा बाहिर ल्याएका थिए।
तरल पदार्थको रूपमा सर्ने ‘प्राकृतिक मुस्कान’को रूपमा वर्णन गर्न, उनीहरूले छालाजस्तो कोषलाई पानी र तातोको उपस्थितिमा स्टार्च अणुहरूको अन्तरआणविक बन्धनहरू तोड्ने प्रक्रिया अर्थात् वास्तविक मानव छालाको लिगामेन्टबाट प्रेरित एक विधि, जिलेटिनाइज्ड, गरी रोबोटको प्वालभित्र राखेका छन्।
