वर्षासँगै आएको पहिरोले नवलपुरको बुलिङटार गाउँपालिका– ६ मा कालीगण्डकी करिडोर अवरुद्ध भएको छ।
जिल्ला प्रहरी कार्यालय नवलपुरका अनुसार बुलिङटार– ६ स्थित फुलमती खोला बढ्दा सडक अवरुद्ध भएको हो। यता जिल्लाको हुप्सेकोट गाउँपालिका– ५ पोखरीमा पनि वर्षाका कारण पहिरो खस्दा दलदले–डेढगाउँ सडक अवरुद्ध भएको छ।
त्यसैगरी हुप्सेकोट– ५ पाङ्ग्रेमा पनि पहिरो खस्दा दलदले–बुलिङटार सडक अवरुद्ध भएको जिल्ला प्रहरी कार्यालय नवलपुरले जनाएको छ। पानी परिरहेकाले यी कुनै पनि स्थानमा तत्काल सडक खुलाउन सक्ने अवस्था नरहेको प्रहरीले जनाएको छ।
