मध्यगाजाको नुसिरात शिविरमा एक सय ५० जनाभन्दा बढी प्यालेस्टिनी मारिने गरी भएको इजरायली हमलाको इजिप्टको विदेश मन्त्रालयले कडा निन्दा गरेको छ।
‘यो आक्रमणको परिणामस्वरूप एक सय ५० भन्दा बढी प्यालेस्टिनी नागरिकहरूको मृत्यु हुनुका साथै सयौँ घाइते भए छन्। इजरायलले अन्तर्राष्ट्रिय कानुन र अन्तर्राष्ट्रिय मानवीय कानुनका सबै प्रावधानहरू, मानवता र मानव अधिकारका सबै मूल्यहरूको खुल्लमखुला उल्लंघन गर्दछ,’ विज्ञप्तिमा भनिएको छ।
इजिप्टले यस आक्रमणका लागि स्पष्ट रूपमा इजरायललाई कानुनी र नैतिक रूपमा जिम्मेवार ठहर गर्दै इजरायलले आफ्नो दायित्वको पालना गर्न र प्यालेस्टिनी नागरिकहरू र उनीहरू विस्थापित भएका क्षेत्र लक्षित हमला रोक्न माग गरेको छ,’ विदेश मन्त्रालयले भन्यो।
विज्ञप्तिमा गाजापट्टीमा सबै पूर्वाधारको अनावश्यक विनाशको पनि निन्दा गरिएको छ। इजिप्टले गाजाविरुद्ध इजरायली युद्ध तत्काल रोक्न प्रभावशाली अन्तर्राष्ट्रिय दल र सुरक्षा परिषदलाई आह्वान गरेको छ।
इजिप्टले ३६ हजारभन्दा बढी मानिसको ज्यान लिएको यो मानवीय संकट अन्त्य गर्न जिम्मेवार निकायको आवश्यकतामा जोड दिँदै गाजापट्टीभरि पूर्ण युद्धविराम हासिल गर्ने अनिवार्यता र सबै क्रसिङहरूमार्फत मानवीय सहायता र राहत आपूर्तिको अप्रतिबन्धित प्रवेशलाई जोड दिएको छ।
