लक्ष्मी क्यापिटल कोष प्रवद्र्धक रहेको लक्ष्मी सस्टेनेबल एनर्जी फन्ड (एलएसइएफ)ले युनिटेक हाइड्रोपावर कम्पनी लिमिटेडमा रणनीतिक लगानी गर्ने भएको छ ।
क्यापिटलले दिगो ऊर्जा पहलप्रतिको निरन्तर प्रतिबद्धतामा एउटा महत्वपूर्ण कदम चाल्नुका साथै आफैँले सञ्चालन गरेको प्राइभेट इक्विटी र भेन्चर क्यापिटल फन्डको पहिलो लगानीको शुभारम्भसमेत गरेको हो ।
युनिटेक हाइड्रोपावर कम्पनी लिमिटेडले माथिल्लो फावाखोला जलविद्युत् आयोजना निर्माण गरिरहेको छ । आयोजना निर्माण अन्तिम चरणमा पुगिसकेको जनाइएको छ । ताप्लेजुङ जिल्लामा रहेको आयोजनाको उत्पादन क्षमता ५.८ मेगावाट छ । साथै, कम्पनीसँग थप १५ मेगावाटको मध्य इवाङ खोला जलविद्युत् आयोजनाको इजाजतपत्रसमेत रहेको क्यापिटलले जनाएको छ ।
See More On
