आउटरिच नेपाल प्रालिका प्रबन्ध निर्देशक तथा रणनीतिक योजना प्रमुख उजय शाक्य चीनमा इसिआई इनोभेटिभ मार्केटर अफ दी इयर २०२३ बाट सम्मानित भएका छन् । इसिआई फेस्टिभलले आयोजना गरेको गाला इभेन्टमा शाक्यलाई सम्मानित गरिएको हो ।
चीनको उक्सीमा सम्पन्न कार्यक्रममा दक्षिण एसियाको अभियन्ताका रूपमा परिचय बनाइसकेका शाक्यलाई यस क्षेत्रमा विज्ञापन र बजारीकरणका लागि पुर्याएको योगदानको कदर गर्दै सम्मान गरिएको जनाइएको छ । उनले फेस्टिभलमा डेटाद्वारा सञ्चालित संसारमा मानवीय भावनाको दिगो महत्वबारे धारणा राखेको उल्लेख छ । शाक्यलाई प्रदान गरिएको सम्मानले विज्ञापन र बजारीकरणको परिदृश्यमा सकारात्मक परिवर्तन ल्याउने अभियन्ताका रूपमा उनको स्थान कायम भएको आउटरिचको दाबी छ ।
उक्त फेस्टिभलमा विश्वका १३ राष्ट्रका प्रतिनिधि भेला भएर ‘ग्लोबर सस्टेनेबल इनोभेसन एन्ड सिभिलाइजेसन डेभलपमेन्ट इनिसिएटिभ्स’ भन्ने विषयमा छलफल गरेको जनाइएको छ ।
