पाल्पाको रानीमहल दरबारनजिकै जिप दुर्घटना हुँदा ६ जनाको ज्यान गएको छ । चालक घाइते छन् । दुर्घटनामा परेकाे जिप बराङ्दी खोलामा खसेको छ । जिप खोलामा खसेर क्षतविक्षत भएको छ ।
दुर्घटनामा ज्यान गुमाउनेमा तीन महिला, दुई बालक र एक पुरुष रहेका छन् । ज्यान गुमाउनेको परिचय नखुलेको प्रहरीले जनाएको छ । बागमती प्रदेशको ७२०९ नम्बरको जिप दुर्घटनामा परेको हो ।
अहिले घटनास्थलमा अस्थायी प्रहरी चौकी रानीघाट, जिल्ला सदरमुकामबाट गएको जनपथ प्रहरी, सशस्त्र प्रहरी र नेपाली सेनाको टोली खटिएको छ । अहिले उद्धार कार्य चलिरहेको छ। दुर्घटनाको कारण खुलेको छैन ।
See More On
