त्रिकोणात्मक अन्तर्राष्ट्रिय टी–२० प्रतियोगिताको तेस्रो खेलमा अहिले नेपाल र हङकङ भिडिरहेका छन् ।
मूलपानी खेलमैदानमा टस जितेर ब्याटिङ रोजेपछि खराब सुरुवात गरेको नेपालले अहिले भने रनको वर्षा गरिरहेको छ ।
मूलपानीमा अहिले चौका र छक्काको वर्षा भएको छ । क्रिजमा रहेका कुशल मल्ल र दीपेन्द्रसिंह ऐरीले संकटमा परेको नेपाली इनिङ उकास्दै रनको वर्षा गरेका हुन् ।
कुशल र दीपेन्द्रले हङकङका बलरलाई प्रत्येक ओभरमा चौका र छक्का प्रहार गरिरहेका छन् । १७औँ ओभरको खेल चलिरहँदा यिनले ५२ बलमा शतकीय साझेदारी गरेका छन् ।
कुशलले ३१ बलमा पाँच छक्का र दुई चौकाको सहायताले ५६रन बनाएका छन् । यस्तै, दीपेन्द्रले पनि ३० बलमा ५१ रन बनाएका छन् । उनले तीन छक्का र पाँच चौका प्रहार गरिसकेका छन् ।
१८औँ ओभरको खेल चलिरहँदा नेपालले चार विकेट गुमाएर एक सय ६२ रन बनाइसकेको छ ।
See More On
