2022-09-29-12-22-58.jpeg)
हेटौंडामा भएको यात्रुबाहक बस दुर्घटनामा परी घाइते हुनेको संख्या ५२ पुगेको छ। घाइतेमध्ये एकजनाको अवस्था गम्भीर रहेको प्रहरीले जनाएको छ।
नारायणगढबाट जनकपुरका लागि छुटेको ना ६ ख ९८०४ नम्बरको बस हेटौंडा– ११ नवलपुरमा अनियन्त्रित भई सडकबाट करिब २० मिटर तल खसेको थियो।
घाइतेमध्ये ३० जनाको हेटौंडा अस्पताल, २१ जनाको चुरेहिल अस्पताल र गम्भिर घाइते एकजनाको चितवनको भरतपुरमा उपचार भइरहेको जिल्ला प्रहरी कार्यालय मकवानपुरका प्रहरी प्रमुख एसपी बामदेब गौतमले जानकारी दिए। उनका अनुसार बसका चलाक फरार रहेकाले उनको खोजी भइरहेको छ।
