दुर्लभ रेडपाण्डालाई सुरक्षित स्थानमा छोडियो

सोमबार, १३ चैत, २०७९
डिजिटल संस्करण

दैलेखको नौमूले गाउँपालिकाको कालिकामा फेला परेको दुर्लभ रेडपाण्डालाई सकुशल सुरक्षित स्थानमा छोडिएको छ। 

उच्चपहाडी क्षेत्रमा हिउँ परेसँगै दैलेखको कालिका भन्ने स्थानमा आएको रेडपाण्डा पानीको तलाउमा भेटिएको थियो । स्थानीयले खबर गरेपछि नौमूले प्रहरी र डिभिजन वन कार्यालय दैलेखको टोलीले रेडपाण्डालाई उद्धार गरेर दैलेख सदरमुकाम ल्याएको थियो। 

कालिकाका स्थानीयले फेला पारेपछि प्रहरी र वन कार्यालयको देवेन्द्र चौधरीको टोलीले उद्धार गरेर आइतबार डिभिजन वन कार्यालय दैलेखमा ल्याई अवस्था विश्लेषण गरिएको हो। 

चोटपटक कुनै नदेखिएको र रेडपाण्डा सकुशल रहेकाले पुनः जिल्ला वन कार्यालय, प्रहरी टोली र पशु सेवा कार्यालयको टोलीले सुरक्षित स्थानमा छोडेको छ। 

दैलेखको उनिपाटा भन्ने स्थानमा छोड्नका लागि डिभिजन वन कार्यालय दैलेख, प्रहरी र स्थानीय जनप्रतिनिधिको टोली त्यसतर्फ गएको डिभिजन वन कार्यालय दैलेखका प्रकाश विकले जानकारी दिए।  

दैलेखको महावु गाउँपालिका र नौमूले गाउँपालिकाको उच्च भूभागमा रेडपाण्डाको बसोवास हुने गरेकाे छ। 
 

See More On

सुझावित समाचार