नेपाललाई रोहितको सहारा (फोटोफिचर)

रोहितकुमार पौडेलले पुनः एकपटक आफूलाई प्रमाणित गरेका छन् । प्राविधिक रूपमा नेपाली राष्ट्रिय टिमका सबैभन्दा अब्बल रोहितले आज पुनः कप्तानी इनिङ खेले । 

२२ रनमा तीन विकेट गुमेको संकटपूर्ण अवस्थामा क्रिजमा पुगेका उनले सुरुमा भीम सार्कीसँग ५४ र त्यसपछि आरिफ शेखसँग ८६ रनको साझेदारी गरे । 

एक सय १२ बल खेलेर नौ चौकाको मद्दतमा ७७ रन बनाएका रोहित टिमको स्कोर एक सय ८६ हुँदा आउट भए । 

नयाँ पत्रिकाका फोटो जर्नालिस्ट ज्ञानेन्द्र कार्कीले क्रिजमा रोहितको संघर्षलाई क्यामेरामा कैद गरेका छन् ।