क्रिकेट मैदानमा सट्टेबाजीमा संलग्न सातजना समातिए

बिहिबार, १४ पुष, २०७९
डिजिटल संस्करण

कीर्तिपुरस्थित त्रिभुवन अन्तर्राष्ट्रिय क्रिकेट मैदानमा टी–२० लिग चल्दै गर्दा सट्टेबाज सक्रिय हुन थालेका छन् । नेपाल प्रहरीले बुधबार मैदानमै पुगेर सट्टेबाजीलाई पक्राउ गरेपछि यो तथ्य खुलेको हो । नेपाल प्रहरीले मंगलबार तीन र बुधबार चारजनालाई नियन्त्रणमा  लिएको हो । 

प्रहरीले अनलाइन बेटिङमार्फत सट्टेबाजी खेलाउने कार्यमा संलग्न रहेको अभियोगमा रुपन्देही तिलोत्तमा नगरपालिका– ३ घर भई हाल काठमाडौं बानेश्वर बस्ने २८ वर्षीय प्रकाश पाण्डेसहित तीनजनालाई मंगलबार पक्राउ गरेको हो ।

काठमाडौं नाइट्स र जनकपुर रोयल्सबीचको खेलमा मोबाइल फोन प्रयोग गरिरहेका अवस्थामा उनीहरू पक्राउ परेका थिए । हार–जितका लागि अनलाइन बेटिङ भइरहेको भन्ने सूचनाका आधारमा प्रहरी वृत्त कीर्तिपुरबाट खटिएको प्रहरीले पाँच थान मोबाइल र नगद तीन हजार पाँच सय २० रुपैयाँसहित उनीहरूलाई नियन्त्रणमा लिएको प्रहरीले जनाएको छ । 

क्यानका जेनेरल म्यानेजर तथा टी–२० लिगका निर्देशक विक्रान्त खनालले मैदानबाहिर बेटिङ भइरहेको विषयमा आफूलाई केही थाहा नभएको बताए । 

See More On

सुझावित समाचार