प्रहरीले कैलालीको अत्तरिया बजारनजिक पूर्व–पश्चिम राजमार्गमा एकजना सुनचाँदी व्यवसायीमाथि गोली प्रहार गर्नेको खोजी तीव्र पारेको छ । गोली प्रहारमा संलग्नको खोजीका लागि जिल्ला प्रहरी कार्यालय र प्रदेश प्रहरी कार्यालयको छुट्टाछुट्टै टोली खटिएको छ । अत्तरियामा सुनचाँदी पसल सञ्चालन गर्दै आएका २७ वर्षीय विकास सुनारमाथि आइतबार बेलुकी गोली प्रहार भएको थियो ।
अत्तरिया बजारमा रहेको आफ्नो सुनचाँदी पसल बन्द गरेर मोटरसाइकलमा घर जाने क्रममा बजारनजिक बनखेतस्थित सशस्त्र प्रहरी ब्यारेकअगाडि सुनारमाथि गोली प्रहार भएको हो । मोटरसाइकलमा आएका दुईजनाले गोली प्रहार गरेको प्रहरीले जनाएको छ । घटना भएको तेस्रो दिन बित्दा गोली प्रहार गर्नेको पहिचान भने हुन सकेको छैन । जिल्ला प्रहरी कार्यालय कैलालीका प्रवक्ता प्रहरी नायब उपरीक्षक वेदप्रकाश जोशीले संलग्नको खोजी तीव्र पारिएको बताए ।
‘संलग्नको पहिचान भइसकेको छैन । हामीले खोजी कार्य तीव्र पारेका छौँ,’ जोशीले भने । घटनास्थल आसपासको सिसिक्यामेरा बिग्रेकाले अनुसन्धानमा समस्या भएको प्रहरीले जनाएको छ । दाहिने हात र कम्मरमा गोली लागेका विकासको स्वास्थ्य अवस्था सामान्य छ । सुनारले आफू ढलेपछि साथमा रहेको करिब ३० तोलाका सुनका गरगहना र दुई लाख रुपैयाँ नगदसहितको झोला बन्दुकधारीले लुटेर लगेकाे प्रहरीलाई बताएका छन् ।
घोडाघोडी नगरपालिकाको सुखडमा घर भएका विकासले गत वैशाखदेखि अत्तरियामा घोडाघोडी सुनचाँदी पसल सञ्चालनमा ल्याएका थिए । उनको परिवारको सुखडमा पनि सुनचाँदी पसल छ । घटनाको विरोधमा कैलालीका सुनचाँदी व्यवसायी आन्दोलनमा उत्रिएका छन् । घटनामा संलग्नलाई कारबाहीको दायरामा ल्याउन र व्यावसायिक सुरक्षाको माग गर्दै सुनचाँदी व्यवसायीहरूले मंगलबार जिल्ला प्रशासन कार्यालयअगाडि प्रदर्शनसमेत गरेका छन् । अत्तरियाका सुनचाँदी व्यवसायीहरूले सोमबार पसल बन्द गरेर घटनाको विरोध गर्नुका साथै सुरक्षाको व्यवस्था गर्न माग गरेका थिए । शान्ति सुरक्षाको प्रत्याभूति गराएर भयरहित भएर व्यवसाय गर्ने वातावरण मिलाउन व्यवसायीहरूले आग्रह गरेका छन् ।
व्यापारीमाथि गोली प्रहार गर्नेको अझै भएन पहिचान
सुझावित समाचार
१२ वर्षमा कञ्चनपुरमा हात्तीको आक्रमणबाट १७ जनाले गुमाए ज्यान
कञ्चनपुरमा पछिल्ला वर्षमा मानव–वन्यजन्तु द्वन्द्वका घटना बढेका छन् । मानव बस्ती विस्तारसँगै वन्यजन्तुका वासस्थान र हिँड्डुल गर्…
हेटौँडामा साझा उत्सव बन्दै छठ
कुनै समय मधेशी समुदायमा सीमित रहेको छठ पर्व पछिल्लो समय हेटौँडामा सबै समुदायको साझा धार्मिक तथा सांस्कृतिक उत्सवका रूपमा स्था…
२२ करोडको हेरोइनसहित अन्तर्राष्ट्रिय गिरोहका सदस्य पक्राउ
२२ करोड रुपैयाँबराबरको लागुऔषधसहित एक भारतीय नागरिक पक्राउ परेका छन् । थाइल्यान्डको बैंककबाट आएका भारतको पुने घर भएका रिव…
नेपाल छिर्ने प्रयासमा हात्तीको हन्जा
सयभन्दा बढी जंगली हात्तीले नेपाल प्रवेश गर्न निरन्तर प्रयास गरेपछि धानबाली जोगाउन मेची किनारमा जाग्राम बस्दै स्थानीय
छठ पर्व : अस्ताउँदो सूर्यलाई दिइयो अर्घ्य
आज उदाउँदो सूर्यलाई अर्घ्य दिएपछि छठको समापन
आइतबार १० बजेसम्मका प्रमुख १० खबर
मुगुमा भएको जिप दुर्घटनामा काठमाडौंका तीनजनाको मृत्यु मुगुमा भएको जिप दुर्घटनामा तीनजनाको मृत्यु भएको छ भने दुईजना घाइते…