अर्जेन्टिनी स्ट्राइकर लियोनल मेसी पाँचवटा विश्वकपमा गोलका लागि असिस्ट गर्ने पहिलो खेलाडी बनेका छन् । कतार विश्वकपअन्तर्गत शनिबार अर्जेन्टिनाले मेक्सिकोलाई २–० गोलले हराउँदा मेसीले एक गोल र अर्को गोलमा असिस्ट गरेका थिए ।
उनले ८७औँ मिनेटमा इन्जो फर्नान्डेजले कप्तान मेसीको पासमा गोल गरेका थिए । मेसीले डेब्यु गरेको सन् २००६ को विश्वकपमा असिस्ट गरेका थिए । उनले सन् २०१०, २०१४ र २०१८ को विश्वकपमा पनि गोलका लागि असिस्ट गरे । सन् २००६ मा जर्मनीले आयोजना गरेको विश्वकपमा मेसीले डेब्यु गरे । उनले सर्बियाविरुद्ध गोल गर्नुका साथै असिस्ट पनि गरे । सर्बियासँगको प्रतिस्पर्धामा उनी विश्वकपको एकै खेलमा गोल र असिस्ट गर्ने सबैभन्दा कान्छा खेलाडी बने ।
मेसीले सन् २०१० को विश्वकपमा मेसी गोलविहीन भए । तर, उनले एकपटक गोलका लागि पास उपलब्ध गराए । सन् २०१४ को ब्राजिलले आयोजना गरेको विश्वकपमा मेसी उत्कृष्ट फर्ममा थिए । उनले प्रतियोगितामा चार गोल गर्नुका साथै एक असिस्ट गरेका थिए । सो विश्वकपमा अर्जेन्टिना फाइनलमा जर्मनीबाट १–० ले पराजित भएको थियो । चार वर्षअघि रुसमा आयोजित विश्वकपमा उनले एक गोल र दुई असिस्ट गरेका थिए ।
मेक्सिकोविरुद्ध उनी विश्वकप इतिहासमा एकै खेलमा गोल र असिस्ट गर्ने सबैभन्दा पाका खेलाडी पनि बनेका छन् । कोपा अमेरिकामा सर्वाधिक असिस्ट गर्ने कीर्तिमान मेसीकै नाममा छ ।
