- वि.सं २o७९ कार्तिक १९ शनिबार
१० खेलाडीमा सीमित म्यानचेष्टर सिटी प्रतिस्पर्धात्मक खेलमा फुलह्यामलाई हराउँदै इंग्लिस प्रिमियर लिगको शीर्ष स्थानमा पुनः उक्लिएको छ ।
९४औँ मिनेटमा पाएको पोनाल्टी अवसरमा इर्लिङ हालान्डले बललाई जाली चुमाएपछि सिटीले खेल २–१ ले जित्यो । खेलको १६औँ मिनेटमा अल्भारेजको गोलमा सिटीले खेलमा अग्रता लिएको थियो ।
तर, खेलको २६औँ मिनेटमा क्यानसेलोले रातो कार्ड पाएपछि सिटी १० खेलाडीमा सीमित भयो । त्यसक्रममा प्राप्त पेनाल्टीलाई गोलमा परिणत गर्दै फुलह्यामले बराबरी गर्यो ।
त्यसपछि सिटीले लगातार दबाब कायम गरे पनि गोल हुन सकेको थिएन । तर, ९४औँ मिनेटमा डि ब्रुअनेलाई फुलह्यामका डिफेन्डरले डिबक्सभित्र लडाएपछि सिटीले ३ अंक आर्जन गर्ने अवसर पाएको थियो ।
खेलपछि १३ खेलमा ३२ अंक हासिल गर्दै सिटी शीर्ष स्थानमा छ । एक खेल कम खेलेको आर्सनल ३१ अंकसहित दोस्रो स्थानमा छ । भोलि आर्सनलले चेल्सीको सामना गर्नेछ ।
