- वि.सं २o७९ असोज २४ सोमबार
अविरल वर्षाले घर भत्किँदा गम्भीर घाइते भएका चंखेली गाउँपालिका– ६ मेल्छामका तीनजनालाई खराब माैसमका कारण हेलिकोप्टरबाट उद्धार गर्न सकिएको छैन। नेपाली सेनाको हेलिकोप्टरबाट उद्धार हुने भनिए पनि खराब माैसमका कारण चंखेली गाउँपालिका- ६ का घाइतेकाे उद्धार हुन नसकेकाे हाे।
बिरामीकाे उद्धार हुन नसकेकाे जिल्ला प्रहरी कार्यालयका डिएसपी कृष्णराज ओझाले जानकारी दिए। माैसम सफा भएपछि हेलिकोप्टरबाट भोलि उद्दार हुने डिएसपी ओझाले बताए। चंखेली गाउँपालिका- ६ काे मेल्छामबाट तीनजना बिरामीकाे उद्धार हुने भनिएकाे थियाे तर कालिकाेटबाट बिरामी लिएर हेलिकोप्टर सुर्खेत गएकाे डिएसपी ओझाले जानकारी दिए।
अविरल वर्षाले ताजाँकाेट गाउँपालिका- ५ का ७ वर्षीय केशव परियार घाइते रहेका छन् भने सर्केगाड गाउँपालिका– ७ की २५ वर्षीया पवित्रा छन्त्याल चार दिनदेखि सुत्केरी व्यथाले छटपटाइरहेकी छिन्।
