Skip This
धरान–१५ स्थित बाझकरा सामुदायिक वन उपभोक्ता समुहको वन क्षेत्रमा वेवारिसे शव फेला परेको छ । वन क्षेत्रमा थुपारेको फोहोरको थुप्रोमा पुरुषको शव फेला परेको हो ।
शवको प्रकृति हेर्दा १०/१५ दिन अघि फालिएको जस्तो देखिएको छ । फोहोरको थुप्रोमाथि मानिसको शव फोहोर टिप्नेले देखेपछि वन हेरालुलाई खबर गरेको वन समुहका उपाध्यक्ष कुमार भारतीले जानकारी दिए ।
फोहोरसँगै मानिसको शव समेत फालिएको पाइएपछि वन समुहले इलाका प्रहरी कार्यालय धरानलाई खबर गरेको थियो । उपमहानगरले मानिसको शव फोहोरसँगै फ्याकेर गम्भीर लापरवाही गरेको सामुदायिक वन उपभोक्ता समुहले जनाएको छ ।
धरान उपमहानगरपालिकाले नकुहिने फोहोर सामुदायिक वन क्षेत्रमा फाल्दै आएको छ ।
