- वि.सं २o७९ भदौ २७ सोमबार
जिममा एक घन्टा बिताउँछु । भ्याएसम्म बिहान जान्छु, समय नमिलेको वेला बेलुकी गएर भए पनि एक घन्टा पसिना बगाउँछु । जिमबाट फर्किएर प्रोटिन भएका खानेकुरा खान्छु । त्यसपछि बिहान ११–१२ बजे ‘लन्च’ गर्छु । स्याउ, सुन्तला, केरालगायतका फलफूल प्रशस्तै खान्छु । हप्तामा ४–५ दिन जिम नै गएर एक्सरसाइज गर्ने गरेको छु ।
आफूलाई फिट राख्न जिम नै जानुपर्छ भन्ने होइन । तपाईं घरमै बसेर पनि फिट रहन सक्नुहुन्छ । तपाईंले होम वर्कआउट गर्दा पनि हुन्छ । विशेष गरी खानपानमा ध्यान दिनुपर्छ ।
कोभिडबाट संक्रमित हुँदा पनि मैले व्यायाम छाडिनँ । यतिवेला घरमै अभ्यास गर्थें । डान्स पनि गर्थें । त्यसैले मलाई कोरोनाले त्यति गाह्रो पनि बनाएन । शरीरलाई भाइरससँग लड्न व्यायामले सहयोग गर्ने रहेछ । तपाईंले समय मिलाएर नियमित जिम सेन्टर गएर वा घरमै बसेर पनि एक्सरसाइज गर्नु आवश्यक छ ।
