अनधिकृत रूपमा सञ्चालन भइरहेका डिजिटल होर्डिङ बोर्डहरू हटाउने काठमाडौं महानगरपालिकाको अभियानमा अदालतको आदेश पुनः बाधक बनेको छ । 

उच्च अदालत पाटनले सोमबार वर्ल्ड ट्रेड सेन्टरको होर्डिङ बोर्ड हटाउने निर्णय तत्काल कार्यान्वयन नगर्न काठमाडौं महानगरपालिकाको नाममा अन्तरकालीन अन्तरिम आदेश दिएको छ । 

आफूसँग गरेको सम्झौताविपरीत महानगरले होर्डिङ बोर्ड हटाउने निर्णय बदर गर्न माग गर्दै शकुन्तलाल हिराचन उच्च अदालत पाटन गएका थिए ।

न्यायाधीश श्यामजी प्रधानको इजलासले इजलासले बुधबारसम्मका लागि अल्पकालीन अन्तरिम आदेश दिएको हो । पाटन उच्च अदालतका रजिस्ट्रार ठगिन्द्र कट्टेलले बुधबार दुवै पक्षलाई उपस्थित हुन इजलासले भनेको छ ।

महानगरको मेयर बालेन्द्र साहले यसअघि नर्भिक अस्पतालमा बनाइएको अवैध संरचना हटाउन खोज्दा सर्वोच्च अदालतले अन्तरकालीन अन्तरिम आदेश दिएको थियो ।