- वि.सं २o७९ भदौ १२ आइतबार
काठमाडौं महानगरले अनधिकृत संरचना भत्काउने अभियानलाई आज पनि निरन्तरता दिएको छ । अहिले भोटाहिटी–रत्नपार्कमा रहेको अन्डर पास सब–वेमाथि बनाइएको संरचना भत्काइँदै छ ।
भोटाहिटी–रत्नपार्क वारपार गर्न सब–वे निर्माण गरिएको थियो । तर, सब–वे भित्रै पनि पसलहरू सञ्चालन गर्दा हिँडडुल गर्नै मुस्किल थियो । महानगरले ठेक्कामा दिएरै त्यहाँ पसल सञ्चालन हुँदै आएको हो ।
महानगरले भने ठेक्का दिएको ठेकेदारले थपेको संरचना अवैध ठहर भएपछि भत्काउन थालिएको जनाएको छ । महानगरले अब भित्रका पसलहरू पनि हटाएर पैदलयात्रुलाई वारपार गर्न सहज हुने गरी सब–वे पूरै खाली गरिने जनाएको छ ।
