Skip This
Skip This
निर्वाचनमुख्य समाचारफ्रन्ट पेजसमाचारदृष्टिकोणअर्थअन्तर्वार्तामल्टिमिडियापन्ध्रौं वार्षिकोत्सव विशेषांकखेलकुदविश्वकोरोना अपडेटप्रवासकर्नर किकसम्पादकीय१३औँ वार्षिकोत्सव विशेषांकसाहित्यस्वास्थ्य र जीवनशैलीफिचरलाेकसेवा१४औँ वार्षिकोत्सव विशेषांकप्रेरक प्रसंगटर्निङ प्वाइन्ट्स-२०२२१२औँ वार्षिकोत्सव विशेषांकसप्तरंगटर्निङ प्वाइन्ट्स-२०२०टर्निङ प्वाइन्ट्स-२०१९प्रदेशब्लगEnglish
  • वि.सं २०७९ असोज १२ बुधबार
  • Wednesday, 28 September, 2022
२०७९ श्रावण २९ आइतबार २०:१०:००
Read Time : < 1 मिनेट
समाचार डिजिटल संस्करण

अन्तरसंघर्षको चेतावनी दिएको भोलिपल्टै देउवाले गरे कोइरालासँग संवाद

संस्थापनइतर समूहका नेता डा. शेखर कोइरालासँग बालुवाटारमा एकघण्टा छलफल

Read Time : < 1 मिनेट
२०७९ श्रावण २९ आइतबार २०:१०:००

अस्तित्व रक्षाका लागि पार्टीभित्र अन्तरसंघर्ष गर्ने चेतावनी दिएको भोलिपल्टै कांग्रेस सभापति शेरबहादुर देउवाले संस्थापनइतर समूहसँग संवाद थालेका छन् । त्यसक्रममा देउवाले आइतबार समूहका नेता डा. शेखर कोइरालासँग एकघण्टा छलफल गरे ।                                                                                      


प्रधानमन्त्रीसमेत रहेका देउवाले प्रधानमन्त्रीको सरकारीनिवास बालुवाटार बोलाएर आइतबार कोइरालासँग छलफल गरेको नेता जगदीश्वरनरसिंह केसीले जानकारी दिए । भेटमा असन्न निर्वाचन, उम्मेदवार चयनलगायत पार्टीको आन्तरिक विषय कुराकानी भएको बताइएको छ । 
इतरसमूहले शनिबार राजधानीमा आफ्ना दोस्रो तहका नेताहरूको भेला गरी पार्टी सभापति देउवाले आफ्नो विचार समूहलाई बेवास्ता गरेको निष्कर्ष निकाल्दै अस्तित्व रक्षाका लागि पार्टीभित्र अन्तरसंघर्ष आवश्यक रहेको निष्कर्ष निकालेको थियो ।


पाँचदलीय कार्यदलले आसन्न प्रदेश र प्रतिनिधिसभा निर्वाचनका लागि टिकट बाँडफाँडसम्बन्धी प्रस्ताव बनाउन काम गरिरहेका वेला कांग्रेसको संस्थापन इतर समूह पार्टीभित्र दबाब बनाउन अग्रसर देखिएको छ । डा. कोइराला र महामन्त्री गगनकुमार थापा नेतृत्वको समूहले प्रदेश र प्रतिनिधिसभा निर्वाचनमा न्यायोचित वा ४० प्रतिशत टिकट आफ्नो पक्षले पाउनुपर्ने माग राखेको छ ।