निर्वाचनमुख्य समाचारफ्रन्ट पेजसमाचारदृष्टिकोणअर्थअन्तर्वार्तामल्टिमिडियापन्ध्रौं वार्षिकोत्सव विशेषांकखेलकुदविश्वकोरोना अपडेटप्रवासकर्नर किकसम्पादकीय१३औँ वार्षिकोत्सव विशेषांकसाहित्यस्वास्थ्य र जीवनशैलीफिचरलाेकसेवा१४औँ वार्षिकोत्सव विशेषांकप्रेरक प्रसंगटर्निङ प्वाइन्ट्स-२०२२१२औँ वार्षिकोत्सव विशेषांकसप्तरंगटर्निङ प्वाइन्ट्स-२०२०टर्निङ प्वाइन्ट्स-२०१९प्रदेशब्लगEnglish
  • वि.सं २०७९ असोज १६ आइतबार
  • Sunday, 02 October, 2022
२०७९ श्रावण २९ आइतबार १०:५०:००
Read Time : < 1 मिनेट
मुख्य समाचार डिजिटल संस्करण

डर र करको कारण गठबन्धन गर्नुपरेको हो : रामचन्द्र पौडेल

Read Time : < 1 मिनेट
२०७९ श्रावण २९ आइतबार १०:५०:००

कांग्रेसका वरिष्ठ नेता रामचन्द्र पौडेलले डर र करको कारण गठबन्धन गर्नुपरेको बताएका छन् । भरतपुर विमानस्थलमा प्रेस युनियन चितवनले गरेको पत्रकार सम्मेलनमा बोल्दै पौडेलले भने,  ‘हामीले गठबन्धन नगरे अरू पार्टीले गर्छन्, त्यसैले यो डर र करको गठबन्धन हो ।’

एक्लै अघि बढ्नुभन्दा पनि मिलेर अघि बढ्नुपर्ने अहिलेको आवश्यकता भएकाले गठबन्धन गर्नुपरेको बताउँदै उनले भने, ‘कांग्रेसले देशमा राजनीतिक स्थिरता, सुशासन र सामाजिक न्यायका लागि काम गर्न चाहन्छ, त्यसका लागि पनि यो गठबन्धन आवश्यक छ ।’ 

आवश्यक परे प्रधानमन्त्री बन्न तयार

मुलुकलाई अहिले सुशासन चाहिएको र त्यसका लागि नैतिक शक्ति आवश्यक रहेको उनले बताए । आवश्यक परे आफू प्रधानमन्त्रीका लागि तयार रहेको पाैडेलले जानकारी दिए । तर, प्रधानमन्त्री बन्न आफूले कुनै पनि सम्झौता नगरेको र नगर्ने जिकिर गरे । उनले आफू तनहुँबाटै चुनावमा उठ्ने बताए ।