- वि.सं २o८१ बैशाख २२ शनिबार
पहिरोका कारण अवरुद्ध भएको नारायणगढ–मुग्लिन सडकखण्ड सञ्चालनमा आएको छ । पहिरो पन्छाएपछि बुधबार बिहान ९ बजेबाट अवरुद्ध सडक दुईतर्फी रूपमा सञ्चालनमा आएको हो ।
सोमबार राति ११ बजेदेखि बन्द भएको सडक मंगलबार राति ९:४० बजेतिर सञ्चालनमा आएको थियो । तर, भरतपुर महानगरपालिका- २९ नारायणगढ-मुग्लिन सडकखण्डको केराबारी (मौरीखोला पुलनजिकै) वर्षाको कारण माथिबाट लेदोसहितको पहिरो खसेर गएरातिबाट नै पुनः दुवैतर्फ सडक अवरुद्ध भएको थियो ।
सडक खुलेसँगै लामबद्ध गाडी आफ्नो गन्तव्यतर्फ लागेका छन् । लामो समयसम्म सडक अवरुद्ध हुँदा यात्रुले निकै दु:खकष्ट भोग्नुपरेको छ ।
