नवलपुरको मध्यबिन्दु नगरपालिका– १० अरुण खोलामा मंगलबार ट्रकले ठक्कर दिँदा एक पैदलयात्रीको मृत्यु भएको छ। जिल्ला प्रहरी कार्यालय नवलपुरका अनुसार बिहान ११ बजेतिर पूर्वबाट पश्चिमतर्फ जाँदै गरेको बागमती प्रदेश ०३–००८ ख १७०१ नम्बरको ट्रकले ठक्कर दिँदा पैदलयात्री स्थानीय ६५ वर्षका मानबहादुर दमाइको घटनास्थलमै मृत्यु भएको हो।

ट्रक र चालकलाई प्रहरीले नियन्त्रणमा लिएको छ। शव पोस्टमार्टमका लागि मध्यबिन्दु अस्पताल पठाएको प्रहरीले जनाएको छ।