- वि.सं २o७९ श्रावण १३ शुक्रबार
सयपत्री हाइड्रोपावर लिमिटेडको आइपिओ खुलेको छ । कम्पनीले आजदेखि प्रतिकित्ता एक सय रुपैयाँ अंकित मूल्यमा आइपिओ खोलेको हो । कम्पनीले सर्वसाधारणका लागि सात लाख २१ हजार ६० कित्ता साधारण सेयर निष्कासन गरेको हो ।
बाग्लुङको ताराखोला गाउँपालिकामा २.५ मेगावाट क्षमताको दरम खोला ‘ए’ जलविद्युत् आयोजना निर्माण सम्पन्न गरी व्यापारिक उत्पादन सुरु गरिसकेको छ ।
सयपत्रीले यसअघि प्रभावित क्षेत्र बाग्लुङ जिल्लाका बासिन्दाका लागि आइपिओ निकालेको थियो ।
छिटोमा १७ साउन र पर्याप्त आवादेन नपरे ढिलोमा २७ साउनसम्म आवेदन दिने म्याद थप हुनेछ । लगानीकर्ताले न्यूनतम १० कित्तादेखि अधिकतममा ३० हजार कित्ता सेयरका लागि आवेदन दिन सक्नेछन् । कम्पनीले धितोपत्र निष्कासन तथा तथा बिक्री प्रबन्धक एनआइबिएल एस क्यापिटल लिमिटेडलाई नियुक्त गरेको छ ।
