- वि.सं २o७९ श्रावण १३ शुक्रबार
नेपालमा बाघको संख्या तीन सय ५५ पुगेको छ । गत १९ मंसिरदेखि २८ फागुनसम्म गरिएको गणनाअनुसार नेपालमा बाघको संख्या तीन सय ५५ रहेको पाइएको हो ।
अन्तर्राष्ट्रिय बाघ दिवसको अवसरमा आज प्रधानमन्त्री शेरबहादुर देउवाले नेपालमा रहेका बाघको संख्या सार्वजनिक गरेका हुन् । सार्वजनिक गरिएको तथ्यांकअनुसार सबैभन्दा धेरै बाघ चितवन राष्ट्रिय निकुञ्जमा छन् । त्यहाँ एक सय २८ बाघ पाइएको छ । दोस्रो धेरै बाघ बर्दिया राष्ट्रिय निकुञ्जमा छन् । त्यहाँ एक सय २५ बाघ छन् । पर्सा राष्ट्रिय निकुञ्जमा ४०, शुक्लाफाँटामा ३६ र बाँकेमा २५ बाघ छन् ।
बाघ पाइने विश्वका १३ मुलुकले सन् २०१० मा रुसको सेन्ट पिटर्सबर्गमा भेला भएर १२ वर्षमा बाघको संख्या दोब्बर बनाउने घोषणा गरेका थिए । नेपाल निर्धारित समयभित्र दोब्बर संख्या पुर्याउने पहिलो मुलुक बनेको छ । सन् २०१० नेपालमा एक सय २१ बाघ थिए । नेपालबाहेक भारत, चीन, भुटान, रुस, बंगलादेश, थाइल्यान्ड, मलेसिया, भियतनाम, इन्डोनेसिया, लाओस र म्यानमारमा पाटेबाघ पाइन्छन् ।
यस्तो छ पछिल्लो १३ वर्षमा नेपालमा बाघको संख्या :
