- वि.सं २o७९ श्रावण ३ मंगलबार
सोलुखुम्बुको सदरमुकाम सल्लेरीमा बोलेरो जिप दुर्घटना हुँदा ६ जना घाइते भएका छन्। सोलुदुधकुण्ड नगरपालिका वडा नं ५ र ६ को सीमामा पर्ने खोल्सामा बालेरो दुर्घटना हुँदा जिपमा सवार ६ जना घाइते भएका हुन्।
घाइतेको उद्धार गरी जिल्ला अस्पताल फाप्लु लगेर उपचार भइरहेको प्रहरीले जनाएको छ। मंगलबार मध्याह्न करिब ५ बजेको समयमा थुलुङ दुधकोसी गाउँपालिका ८ देउसाबाट सदरमुकाम सल्लेरी आउने क्रममा सडकमा हिँडिरहेको कुकुर जोगाउनका लागि ब्याक गर्दा प्रदेश नं ३–०१–०२४ च ८८७८ नम्बरको बोलेरो खोल्सामा खसेको हो।
घाइते हुनेहरूमा एक वृद्ध र एक बालिका पनि रहेको जनाइएको छ। उद्यपि, उनीहरूको परिचय खुल्न बाँकी छ। घटनाबारे थप अनुसन्धान भइरहेको छ।
