ठमेल पर्यटन विकास परिषद्को निर्वाचनमा ध्रुव अधिकारीको समावेशी प्यानल घोषणा भएको छ। असार ३२ गते हुने परिषद्को निर्वाचनका लागि अधिकारी समूहको प्यानल घोषणा भएको हो । 

सो समूहबाट अध्यक्ष ध्रुव अधिकारी,उपाध्यक्षमा  राजुमान डंगोल, गीता गुरुङ र  महेश महर्जन, महासचिवमा राजीव पाण्डे, सचिवमा रामचन्द्र गिरी (बिल्ला)र कोषाध्यक्षमा पुन्यराम लागेजु उम्मेदवार बन्ने भएका हुन्।

त्यस्तै, सदस्यमा कमल भण्डार, रञ्जयमान प्रधान, श्रीकृष्ण थपलिया र  विनोद श्रेष्ठले उम्मेदवारी घोषणा गरेका छन् । परिषद्को निर्वाचनका लागि गठबन्धनको तर्फबाट  यसअघि भविश्वर शर्मा समूहले उम्मेदवारी घोषणा गरेको थियो । परिषद् निर्वाचनमा दुई समूहबीच प्रतिस्पर्धा हुने देखिएको छ।