त्रिचन्द्र क्याम्पसका विद्यार्थीले जीर्ण भएको भवन बचाउन माग गर्दै प्रदर्शन गरेका छन् । विद्यार्थीले शुक्रबार क्याम्पस बचाउन आग्रह गर्दै ‘सोलिडारिटी मार्च’ आयोजना गरेका हुन् । नेविसंघ त्रिचन्द्र क्याम्पस परिवारको आयोजनामा आज बिहान विद्यार्थीले ‘सोलिडारिटी मार्च’ आयोजना गरेका हुन् ।
विद्यार्थीले विभिन्न प्लेकार्ड बोकेर प्रदर्शन गरेका थिए । ‘इतिहास ढल्दै छ, सरकार मौन छ । कक्षाकोठा देऊ त्रिचन्द्र बचाऊ । प्रधानमन्त्रीज्यू तपाईंले पढेको कलेज कहिले बन्ने ?’ जस्ता प्लेकार्ड बोकेर प्रदर्शन गरेका छन् ।