निर्वाचनमुख्य समाचारफ्रन्ट पेजसमाचारदृष्टिकोणअर्थअन्तर्वार्तामल्टिमिडियापन्ध्रौं वार्षिकोत्सव विशेषांकखेलकुदविश्वकोरोना अपडेटप्रवासकर्नर किकसम्पादकीय१३औँ वार्षिकोत्सव विशेषांकसाहित्यस्वास्थ्य र जीवनशैलीफिचरलाेकसेवा१४औँ वार्षिकोत्सव विशेषांकप्रेरक प्रसंगटर्निङ प्वाइन्ट्स-२०२२१२औँ वार्षिकोत्सव विशेषांकसप्तरंगटर्निङ प्वाइन्ट्स-२०२०टर्निङ प्वाइन्ट्स-२०१९प्रदेशब्लगEnglish
  • वि.सं २०७९ असोज १६ आइतबार
  • Sunday, 02 October, 2022
२०७९ असार २४ शुक्रबार ०८:२८:००
Read Time : < 1 मिनेट
अर्थ प्रिन्ट संस्करण

हावाहुरीले मकैबाली नष्ट, करिब  चार करोडबराबरको क्षति

Read Time : < 1 मिनेट
२०७९ असार २४ शुक्रबार ०८:२८:००

असार १७ गते राति वर्षासँगै चलेको हावाहुरीमा करिब चार करोड मूल्यबराबरको मकैबाली क्षति भएको छ । कृषि ज्ञान केन्द्र खोटाङका अनुसार ३३० दशमलव ०५ हेक्टर जमिनमा लगाइएको मकैबाली हावाहुरीले नष्ट भएको हो । 

लेकाली भेकमा भर्खर घोगा लाग्न थालेको मकैको बोट हावाहुरीले नष्ट गर्दा करिब ३३६ दशमलव २५ मेट्रिक टन मकैको दानामा क्षति भएको कृषि ज्ञान केन्द्रका निमित्त प्रमुख हरिनारायण राईले जानकारी दिए । ‘हावाहुरीले जिल्लाका पाँच स्थानीय तहमा ठूलो क्षति गरेको छ,’ उनले भने, ‘तीन करोड ८६ लाख ६८ हजार ८३० बराबरको क्षति भएको तथ्यांक निस्किएको छ । क्षतिको विवरण संकलन गरेर राहतका लागि सम्बन्धित निकायमा सिफारिस गरेका छौँ ।’

रातको समयमा चलेको हावाहुरीले सबैभन्दा बढी दिप्रुङ चुइचुम्मा गाउँपालिकामा क्षति पु¥याएको थियो । सात वडा रहेको यस गाउँपालिकामा तीन हजार पाँच सय रोपनी क्षेत्रफल जमिनमा लगाइएको मकैबाली क्षति भएको हो ।

त्यस्तै, दोस्रो ठूलो क्षति केपिलासगढी गाउँपालिकामा दुई हजार पाँच सय, दिक्तेल रुपाकोट मझुवागढी नगरपालिकामा तीन सय, हलेसी तुवाचुङ नगरपालिकामा २५० र खोटेहाङ गाउँपालिकामा ६० रोपनी जमिनमा लगाइएको मकैबालीमा क्षति भएको छ ।