- वि.सं २o७९ असार २१ मंगलबार
काठमाडौंको बालाजुमा मोटरसाइकल दुर्घटना हुँदा एकजनाको मृत्यु भएको छ। काठमाडौं महानगरपालिका– १६ बालाजु पुलनजिक सडकमा बागमती प्रदेश ०२–०२३ प ३७७५ नम्बरको मोटरसाइकल अनियन्त्रित भई खोलाको नजिक ठोकिँदा लोलाङका २२ वर्षीय सविन परियारको आज बिहान मृत्यु भएको हो।
दुर्घटनामा परी सख्त घाइते भएका परियारको उपचारका क्रममा नयाँ बजारस्थित पिपुल्स अस्पतालमा मृत्यु भएको प्रहरी प्रधान कार्यालयले जनाएको छ।
सोही दुर्घटनामा घाइते भएका मोटरसाइकलमा सवार अर्का एकजनाको भने सोही अस्पतालमा उपचार भइरहेको छ। घटनाबारे थप अनुसन्धान भइरहेको प्रहरीले जनाएको छ। रासस
