- वि.सं २०८१ बैशाख १५ शनिबार
दाङमा सोमबार भएको बस दुर्घटनामा परि एक जनाको मृत्यु भएको छ । ३५ जना घाइते भएका छन् ।
घोराही होलेरी सडकखण्डको घोराही उपमहानगरपालिका १३ बाह्रकुने दहको मौलाकोट जाने चोक नजिक ना ४ ख ६०९४ नम्बर बस सोमबार साँझ दुर्घटना भएको हो । रोल्पा बागमाराबाट घोराही आउँदै गरेको बस दुर्घटना हुँदा सहचालक रोल्पा रुन्टीगढी ७ का २३ वर्षीय हर्कबहादुर पुनको मृत्यु भएको हो । बस तीब्रगतिमा रहेको र जीपलाई ओभरटेक गर्दा दुर्घटना भएको हुन सक्ने जिल्ला प्रहरी कार्यालय दाङले जनाएको छ ।
बस सडक छेउमा रहेको कल्भर्टमा ठोकिएर आएको दिशा तर्फ फर्किएको छ । दुर्घटनामा अहिले सम्म ३५ जना यात्रु घाईते भएको प्रहरीले जनाएको छ । गम्भीर केही घाईतेहरुलाई घोराहीमा प्रारम्भिक उपचार पछि जिल्ला बाहिर पठाईएको छ । अन्य घाइतेहरुको राप्ती स्वास्थ्य बिज्ञान प्रतिष्ठान घोराहीमा उपचार भइरहेको छ ।
