- वि.सं २o७९ असार १ बुधबार
नेपाली कांग्रेसका महामन्त्री गगनकुमार थापाले स्टेट पार्टनरसिप प्रोग्राम (एसपिपी)को विषय कहाँबाट आएको भनी प्रश्न गरेका छन् । बुधबारको प्रतिनिधिसभा बैठकमा बोल्दै महामन्त्री थापाले एसपिपी सम्झौताको विषय कहाँबाट, कसको पालामा र वर्तमान सरकारसँग सम्बन्धित छ कि छैन भनेर अनुसन्धान गर्नुपर्ने वेला आएको बताएका छन् ।
उनले सञ्चारमाध्यममा आएको १०बुँदे सम्झौताको विषयमा सम्बन्धित निकाय नै बेखबर रहेको बताए । उनले नेपाली सेनाको प्रवक्ताले यो विषय सेनाभित्र थाहै नभएको बताएको उल्लेख गरे । नेसनल गार्डको वेबसाइटमा पूर्ववर्ती सरकारको पालामा भएको देखिएकाले यो विषयमा छलफल हुनुपर्नेमा उनको जोड थियो ।
विकासको साझेदारीमा सबै राष्ट्रसँग सम्झौता हुन सक्ने भन्दै थापाले नेपाली सेना संलग्न हुने कुनै पनि समझदारी चाहे त्यो छिमेकी देशसँगको होस् चाहे मित्रराष्ट्र वा चाहे शक्तिराष्ट्र ! नेपाल सभागी हुन नसक्ने, हुन नपाउने र हुन नदिने प्रतिबद्धता व्यक्त गरे ।
