- वि.सं २०७९ श्रावण २४ मंगलबार
नेपाल विद्यार्थी संघका अध्यक्ष डुजाङ शेर्पाले प्रधानमन्त्री तथा नेपाली कांग्रेसका सभापति शेरबहादुर देउवासँग भेट गरेका छन्। अध्यक्ष शेर्पा र देउवाबीच प्रधानमन्त्रीको सरकारीनिवास बालुवाटारमा भेट भएको हो।
भेटमा नेविसंघ केन्द्रीय समिति विस्तार, नेविसंघ सदस्यता वितरण र १२औँ अधिवेशनलगायतका विषयमा छलफल भएको अध्यक्ष शेर्पाले जानकारी दिए। कांग्रेसले नेविसंघको तदर्थ समिति गठन गर्दा अध्यक्ष शेर्पाबाहेक केन्द्रीय पदाधिकारी र सदस्यमा मनोनयन गरेको छैन।
शेर्पाका अनुसार भेटमा नेविसंघको गतिविधि, त्रिभुवन विश्वविद्यालयको बेथिति अन्त्यका लागि उच्चस्तरीय छानबिन समिति गठन गर्ने र संस्कृत विश्वविद्यालयलगायतका विषयमा समेत सभापति देउवालाई जानकारी गराइएको थियो।
