निर्वाचनमुख्य समाचारफ्रन्ट पेजसमाचारदृष्टिकोणअर्थअन्तर्वार्तामल्टिमिडियापन्ध्रौं वार्षिकोत्सव विशेषांकखेलकुदविश्वकोरोना अपडेटप्रवासकर्नर किकसम्पादकीय१३औँ वार्षिकोत्सव विशेषांकसाहित्यस्वास्थ्य र जीवनशैलीफिचरलाेकसेवा१४औँ वार्षिकोत्सव विशेषांकप्रेरक प्रसंगटर्निङ प्वाइन्ट्स-२०२२१२औँ वार्षिकोत्सव विशेषांकसप्तरंगटर्निङ प्वाइन्ट्स-२०२०टर्निङ प्वाइन्ट्स-२०१९प्रदेशब्लगEnglish
  • वि.सं २०७९ असोज १६ आइतबार
  • Sunday, 02 October, 2022
शिवहरि घिमिरे नयाँ पत्रिका
२०७९ जेठ २८ शनिबार ०९:०६:००
Read Time : < 1 मिनेट
मुख्य समाचार प्रिन्ट संस्करण

हटाइएका कर्मचारी पुनर्बहाली गर्न केएमसीलाई श्रम अदालतको आदेश

Read Time : < 1 मिनेट
शिवहरि घिमिरे, नयाँ पत्रिका
२०७९ जेठ २८ शनिबार ०९:०६:००

सिनामंगलस्थित काठमाडौं मेडिकल कलेज (केएमसी)ले नयाँ विनियमावली बनाई कर्मचारी निकाला र सेवा–सुविधा कटौती गरेको मुद्दामा श्रम अदालतले निर्देशनात्मक आदेश जारी गरेको छ । शुक्रबार बसेको अदालतका अध्यक्ष वासुदेव आचार्य, सदस्य प्रेमकुमार राई र निशा बानियाँको संयुक्त इजलासले तीन महिनाभित्र नयाँ विनियमावली बनाउन र त्यतिवेलासम्म पुरानै (२०६७) विनियमावली लागू गर्न आदेश गरेको हो । 

कलेजले नयाँ विनियमावलीमा टेकेर निकाला गरेका कर्मचारीलाई पहिलेकै सेवा–सुविधासहित पुनर्वहाली गर्नसमेत अदालतको आदेश छ । मेडिकल कलेज प्रशासनले श्रम ऐन, २०७४ विपरीत र कर्मचारी सेवा सर्त विनियमावली, २०६७ विपरीत नयाँ विनियमावली, २०७७ जारी गरेको थियो । सो विनियमावलीअनुसार केही कर्मचारी १६ भदौ ०७८ मा जागिरबाट निकालिएका थिए भने केहीको सेवा–सुविधा कटौती तथा सरुवा गरिएको थियो । 

कलेज प्रशासनले नयाँ विनियमावली जारी गरेपछि मेडिकलका कर्मचारी आन्दोलित बनेका थिए । प्रशासनले माग सुनुवाइ नगरेपछि उनीहरूले ०७८ साउन, कात्तिक र मंसिरमा श्रम अदालतमा मुद्दा दर्ता गरेका थिए । 

०७७ मा जारी गरिएको नयाँ विनियमावली श्रम ऐन, ०७४ को दफा ३ तथा दफा १०८ को (६) विपरीत रहेको फैसलामा उल्लेख छ । तसर्थ, कर्मचारी युनियन, व्यवस्थापनसमेतको सहभागितामा तीन महिनाभित्र श्रम ऐन, २०७४ तथा प्रचलित कानुनको प्रतिकूल नहुने गरी विनियमावली बनाई लागू गर्न अदालतले श्रम तथा रोजगार कार्यालय र मेडिकल कलेजलाई निर्देशन दिएको हो । कलेजले गैरकानुनी रूपमा निष्कासन गरेका कर्मचारीलाई सेवा–सुविधासहित पुनर्वहाली गर्ने गरी फैसला भएको अदालतकी सूचना अधिकारी रत्ना घिमिरेले बताइन् ।