- वि.सं २o७९ जेठ २६ बिहीबार
नेपाली कांग्रेसका सांसद प्रकाशमान सिंहले विद्यालय र सरकारी कार्यालय सञ्चालनको समय फरक बनाउन सरकारको ध्यानाकर्षण गराएका छन्। बिहीबार प्रतिनिधिसभाको शून्य समयमा बोल्दै उनले ट्राफिक व्यवस्थापनका लागि यस्तो सुझाव दिएका हुन्।
फोहोरमैला र मूल्यवृद्धिको समस्या खेपिरहेका नागरिकले ट्राफिक जामको समस्यासमेत भोगिरहेका उनले उल्लेख गरे। ‘फोहोरमैला व्यवस्थापन गर्न नसक्नु, बजार भाउ नियन्त्रण गर्न नसक्नु एकातिर छ भने ट्राफिक जामका कारण एक ठाउँबाट अर्को ठाउँ जान धेरै समय लाग्छ। के कुरामा सरकारको ध्यानाकर्षण गर्न चाहन्छु भने स्कुल जाने टाइमिङ र सरकारको अफिस सञ्चालन गर्ने टाइमिङमा फरक गरे ट्राफिकमा केही कमी आउँछ कि !’
