- वि.सं २o७९ जेठ १२ बिहीबार
सेन्ट लरेन्स कलेजका विद्यार्थीले शिक्षकहरूले छात्रामाथि गरेको यौन दुर्व्यवहारविरुद्ध विरोध प्रदर्शन गरेका छन् । बिहीबार काठमाडौंको माइतीघर मण्डलामा कलेजका विद्यार्थीले विद्यालयका एक शिक्षकले छात्रामाथि यौन दुर्व्यवहार गरेको भन्दै विरोध प्रदर्शन गरेका हुन् ।
विरोध प्रदर्शनमा ‘हामीलाई न्याय चाहिन्छ’, ‘महिलालाई सम्मान गरौँ’, ‘हामीलाई न्याय चाहिन्छ’ लगायतका नारा लगाएका थिए । विद्यार्थीहरूले यौन दुर्व्यवहार गर्ने शिक्षाकलाई तत्काल कारबाही गर्न माग गरेका छन् । विरोध प्रदर्शनमा बोल्दै आन्दोलनरत विद्यार्थी प्रशंसा रायमाझीले गत तीन महिनादेखि विद्यार्थीलाई एक शिक्षकले अफिसमा बोलाएर यौन दुर्व्यवहार गरेको बताइन् ।
विद्यार्थीहरूले महिला विद्यार्थीमाथि कुदृष्टिले हेर्ने शिक्षकलाई कारबाही गर्न माग गर्दै केही दिनदेखि प्रदर्शन गरिरहेका छन् ।
