- वि.सं २o७९ बैशाख ३० शुक्रबार
व्यास गाउँपालिका १ को तिंकरमा मतदान सकिएको छ । मोती महिला संघ आधारभूत विद्यालय तिंकरमा भएको मतदानमा कुल १ सय ३६ मत खसेको हो । तिंकर मतदान केन्द्रमा ७३ जना पुरुष र ६३ जना महिलाले मतदानमा सहभागी भएको सशस्त्र प्रहरी बल नेपाल नम्बर ५० गुल्मका गुल्मपति धीरेन्द्र शाहले जानकारी दिए ।
तिंकर मतदान केन्द्रमा १सय ११ पुरुष र १ सय २० महिला गरी २सय ३१ जना मतदाता रहेका थिए । वडा नम्बर १ कैलाशपति आधारभूत विद्यालय छांगरूमा मतदान अन्तिम चरणमा पुगेको छ । अहिलेसम्म छांगरूमा २सय ९ जनाले मतदान गरेका छन् । यो केन्द्रमा ३ सय ७५ जना मतदाता छन् ।
