- वि.सं २o७८ चैत २६ शनिबार
वैशाख ३० गते हुने स्थानीय तह निर्वाचनका लागि मनाङमा २८ वटा मतदान केन्द्र कायम भएको छ। २८ वडा रहेको मनाङमा प्रत्येक वडामा मतदान केन्द्र रहनेछ। यसअघि स्थानीय तह निर्वाचन २०७४ मा कायम भएका केन्द्र नै यसपटक पनि कायम भएको निर्वाचन कार्यालय मनाङले जनाएको छ।
मनाङमा नासों गाउँपालिका र मनाङ ङिस्याङ गाउँपालिकामा नाै–नाै मतदान केन्द्र, चामे गाउँपालिका र नार्पाभूमि गाउँपालिकामा पाँचवटा मतदान केन्द्र कायम भएको छ। वडा कार्यालय, विद्यालय र गुम्बामा मतदान केन्द्र रहनेछ।मनाङका चार गाउँपालिकामा एक मुख्य निर्वाचन अधिकृत र तीन निर्वाचन अधिकृत खटिनेछन्। सदरमुकाम चामेमा मुख्य निर्वाचन अधिकृत र अन्य गाउँपालिकामा निर्वाचन अधिकृत खटिनेछन् ।
