- वि.सं २o७८ माघ ५ बुधबार
कोरोना परीक्षण गर्दा लाग्ने शुल्क सरकारले घटाएको छ। स्वास्थ्य तथा जनसंख्या मन्त्रालयले सरकारी अस्पतालमा कोरोना परीक्षण गर्दा ८ सय शुल्क तोकेको छ। त्यस्तै लक्षण भएका बिरामीले भने निःशुल्क कोरोना परीक्षण गराउन सक्नेछन्। मन्त्रालयले निजी प्रयोगशालाहरूबाट गरिने पिसिआर परीक्षण मूल्य पनि घटाएको छ।
अब १ हजार पाँच सय शुल्क तिरेर निजीमा पिसिआर परीक्षण गराउन सकिनेछ। यसअघि पिसिआर गर्दा सरकारीमा एक हजार र निजीमा दुई हजार शुल्क तिर्नुपर्दथ्यो।
