- वि.सं २o८१ जेठ १ मंगलबार
सोलुखुम्बुमा छिमेकीको हत्या आरोपमा एक व्यक्तिलाई प्रहरीले नियन्त्रणमा लिएको छ । जिल्लाको माप्य दूधकोसी गाउँपालिका– १ का दानु शेर्पाको हत्या आरोपमा सोही ठाउँका वर्ष ४५ का वाङ्दी शेर्पालाई पक्राउ गरिएको हो ।
वाङ्दीले गएराति करिब १२ बजेको समयमा दाउराले टाउकोमा प्रहार गरी दानु शेर्पाको हत्या गरेको अनुसन्धानबाट खुलेको छ । घटनाबारे जानकारी पाएलगत्तै प्रहरी चौकी खरिखोलाबाट खटिएको प्रहरीको टोलीले आरोपित वाङ्दी शेर्पालाई नियन्त्रणमा लिएको बताइएको छ ।
घटना के कारणले भएको हो भन्नेबारे थप अनुसन्धान भइरहेको प्रहरीले जनाएको छ ।
